കാഴ്ച

സംസ്കാരം

















" ഹലോ.."

" ഉം.. ഹലോ.."

" ഡാ.., ഇന്നു വൈകുന്നേരത്തെ
നിന്റെ പ്രസംഗം കലക്കി.."

" നീ റൂമിലാണോ.. ? ഫാൻ ഫുൾ സ്പീഡിലിട്ടിട്ടില്ലേ ? വർത്തമാനം പറയുന്നത്‌ അമ്മ കേൾക്കോ.. ? "

" ഇല്ലപ്പാ.. അതൊക്കെ ചെയ്തിനി.. അമ്മ ഉറങ്ങി."

" ഉം.."

ഡൽ ഹി രണ്ടാം പെൺകുട്ടിയെ കുറിച്ചും
ഭാരതത്തിന്റെ സംസ്കാര പാരമ്പര്യത്തെ കുറിച്ചും നീ പറഞ്ഞ വാക്കുകൾ... ഹൊ..
നീ ഇതൊക്കെ എപ്പൊ പഠിച്ചു.. ?!! "

" കോപ്പ്‌.. ഒന്നു നിർത്തുന്നുണ്ടൊ നീ.. രാത്രി പന്ത്രണ്ടേ കാലിനാ അവൾടെ കിന്നാരം...

നീ നൈറ്റിയുടെ കുടുക്കഴിക്ക്‌..
ഞാൻ പുതപ്പിനടിയിലേക്ക്‌ വരാം.. "
.
.
."ബീപ്‌... ബീപ്‌...ബീപ്‌..."

" ബീപ്‌.. ബീപ്‌... ബീപ്‌.."
.
.

" മതി മോളുറങ്ങിക്കൊ.. രാവിലെ ഡൽ ഹി വിഷയത്തിലൊരു ഡിബേറ്റ്‌ ഉണ്ട്‌.. ഗുഡ്‌ നൈറ്റ്‌.. ഉമ്മ.."

" ഗുഡ്‌ നൈറ്റ്‌.. ഉമ്മാ... "




മഴക്കുഞ്ഞ് 






















എന്നിലേക്ക്‌ പെയ്തിറങ്ങാൻ തയ്യാറായി വന്ന മഴക്കുഞ്ഞിനെ
എത്ര ഈസിയായാൺ കാറ്റ്‌ വിളിച്ചിറക്കി കൊണ്ടു പോയത്‌...


കണ്മുന്നിൽ തന്നെ ഒരു കയ്യകലത്തിനപ്പുറം ആർത്തലച്ചു പെയ്യുന്നുണ്ടവളിപ്പോഴും..

ഒരു തുള്ളി സ്പർശനത്തിന്റെ കുളിരൊർമ്മയിലെങ്കിലും നനയട്ടെ ഞാൻ..


പിന്കുറിപ്പ്  :
കെട്ടിക്കിടന്നതൊക്കെ
ആർത്തലച്ചു പെയ്തതിനാലാകണം
ഓർമ്മയുടെ ഇന്നത്തെ പകലിനു
ഇത്ര തെളിച്ചവും ചൂടും...

പെണ്ണ്






























പാറക്കെട്ടുകൾക്കിടയിലെ ,   ഗുഹയിലെ ഇരുട്ടിൽ 
നക്ഷത്ര ആമകളെയും  കട്ടിയുള്ള പുറന്തോടോടുകൂടിയ ഞണ്ടുകളെയും 
പേടിച്ച് പതുങ്ങിയിരിക്കുന്ന ഒരു സ്വപ്നത്തിലേക്ക് 
ഒരു മുന്നറിയിപ്പുമില്ലാതെയാണ് അവൾ കയറി  വന്നത് .

ഫെമിനിസം പറഞ്ഞതിന്റെ പേരിൽ മാഗസിനു ലഭിച്ച 
അവാർഡ് വാങ്ങാൻ എഡിറ്ററുടെ കൂടെ പോയതാണത്രെ .  

ടി വി ചാനലുകളും പത്രങ്ങളും പലവുരു ചവച്ചു തുപ്പിയതിനാൽ 
കൂടെ കൊണ്ടുപോകാൻ പറ്റില്ലെന്നു സാംസ്കാരികനും , 
യഥാർത്ഥത്തിൽ ആറു  പേരും ഫെസ്ബൂക്കിലൂടെ പതിനാറായിരത്തിലേറെ പ്പേരും 
പീഡിപ്പിച്ചതിനാൽ,  സ്കോപ്പില്ല എന്ന് പറഞ്ഞു പുതിയ മാഗസിൻ എഡിറ്റർ മാരും 
 കയ്യൊഴിഞ്ഞപ്പോൾ ഒറ്റപ്പെട്ടു പോയത് സത്യം .

അച്ചടിച്ച മാഗസിന്റെ അറുന്നൂറു  കോപ്പി യും 
വിതരണം ചെയ്തു തീർത്ത  എഡിറ്റർ സുഹൃത്തെ 
നീ മിടുക്കനാ, 
വാ പിളർന്നുറങ്ങുന്ന ഒരുത്തന്റെ  സ്വപ്നത്തിലേക്ക് 
എത്ര സമർഥമായിട്ടാ നീ അവളെ കയറ്റി വിട്ടത്. 

പെണ്ണേ , 
നീ ഇറങ്ങി വന്ന കോളേജ് മാഗസിനിലെ 
ഇരുപത്തിയാറാം  പേജിലെ പതിമൂന്നാമത്തെ വരി 
നിന്നെ നന്നായി മിസ്സ്‌ ചെയ്യുന്നുണ്ടാവണം 
എങ്കിലും നീ ധൈര്യമായിട്ട്  വാ , പെണ്ണെന്ന 
ഒറ്റ വരി കവിതയിലിരുത്താം നിന്നെ ..


 

പിന്കുറിപ്പ് :

നീ ഇറങ്ങി പോയ ഒഴിവിലേക്കാണ് 
വിഷാദം കയറി വന്നത് 
വിഷു കഴിഞ്ഞതും , കൂട്ടുകാരനെ പാമ്പ് കടിച്ചതും 
ഒന്നും അറിഞ്ഞിട്ടേ  ഇല്ല ഇതുവരെ 
നിന്നെക്കാളും  കൂട്ടു ചേർന്നു പോയി.. 


മഷിത്തണ്ടിന്റെ കൂട്ടുകാര്‍