വിശപ്പ്‌ കാത്തിരിക്കുന്ന ആമ





















ചായം

എത്ര ശ്രദ്ധിച്ചാലും
അരികുകൾ വഴി ഒലിച്ചിറങ്ങി തീർന്നു പോകുന്ന
നിറങ്ങൾ കൊണ്ടാണത്രെ
ജീവിതത്തിന്റെ ചുവരുകളിൽ ചായം പൂശുന്നത്‌.. 

ചതവ്
 
വെയിലുയരത്തിൽ
തലയുയർത്തി നിൽക്കുന്ന
ജാതിമരത്തിന്റെ
തളിരില ചതച്ചതിൻ
ചുവപ്പാണത്രെ കയ്യിൽ...!

ഉപഗ്രഹം 
 
ഗുരുത്വാകർഷണത്തിന്റെ നൂലറ്റം എന്നേ പൊട്ടിപ്പോയതാണ്‌
എന്നെ ചുറ്റുന്ന ഉപഗ്രഹത്തിൽ നിന്നും മാറി
അതിരുകളില്ലാത്ത ആകാശത്തിൽ
നക്ഷത്രങ്ങൾക്കൊപ്പം കണ്ണു ചിമ്മി ചിരിക്കുന്നു നീ..


വിശപ്പ്‌ കാത്തിരിക്കുന്ന ആമ
 
പൊരിവെയിലിൽ
കരിയിലകൾക്കിടയിൽ
കയ്യും തലയും പുറത്തിടാതെ
വിശപ്പ്‌ കാത്തിരിക്കുന്നൊരു
ആമ..!!

കല്ലരയാൽ
 
കരിമ്പാറക്കെട്ടുകളിലേക്ക്‌ വേരുകളാഴ്ത്തി
പ്രണയജലമന്വേഷിക്കുന്നൊരു
കല്ലരയാൽ..!!


കരിമ്പ്‌ പൂക്കുന്നു
 
അരികു വേലികളിൽ
കരിമ്പ്‌ വളർന്ന പറമ്പ്‌..
നോക്കിനോക്കിയിരിക്കെ
വേനലാന്തളിൽ
കരിമ്പ്‌ പൂക്കുന്നു..!!



ബലൂൺ വിമാനം

മടുപ്പിന്റെ
ഉഷ്ണകാറ്റേറ്റ്‌
പൊങ്ങിയുയരുന്നു
നീയിരിക്കുന്ന
ബലൂൺ വിമാനം..!!

വാക്കറ്റം :

നമുക്കിടയിലെന്താ..?
ഒന്നുമില്ല,
പകലുദിച്ച നക്ഷത്രങ്ങളല്ലാതെ..!!

2 അഭിപ്രായങ്ങൾ:

  1. നമുക്കിടയിലെന്താ..?
    ഒന്നുമില്ല,
    പകലുദിച്ച നക്ഷത്രങ്ങളല്ലാതെ..!!

    മറുപടിഇല്ലാതാക്കൂ
  2. അരികു വേലികളിൽ
    കരിമ്പ്‌ വളർന്ന പറമ്പ്‌..
    നോക്കിനോക്കിയിരിക്കെ
    വേനലാന്തളിൽ
    കരിമ്പ്‌ പൂക്കുന്നു..!!

    മറുപടിഇല്ലാതാക്കൂ

സുഹൃത്തേ .. ഇനി നിങ്ങളുടെ ഊഴം. ഔപചാരികതയുടെ പൊള്ളയായ വാക്കുകള്‍ക്കപ്പുറം ക്രിയാത്മക വിമര്‍ശനങ്ങള്‍ ആയാല്‍ സന്തോഷം !!

മഷിത്തണ്ടിന്റെ കൂട്ടുകാര്‍