ഞാനെന്ന ഒറ്റ മരം .!

പ്രണയത്തിന്റെ മയിൽപീലി.

പെറ്റുപെരുകാൻ 
ഉള്ളിന്റെയുള്ളിൽ ഒളിച്ചു വെച്ചിട്ടും 
ഏറെ നാൾ കഴിഞ്ഞ്‌
തുറന്ന് നോക്കുമ്പോൾ
ആളു കാൺകെ
ഒറ്റയ്ക്കിറങ്ങി പോകുന്നു
പ്രണയത്തിന്റെ മയിൽപീലി.



 വേദന 

മുറിഞ്ഞു പോയിട്ടും
നിറഞ്ഞിരിക്കുന്ന തോന്നൽ,
പഴയ ഓർമ്മയിൽ വിളിച്ചു പോകുമ്പോഴൊക്കെ
മുറിഞ്ഞ വേദന വിളി കേൾക്കുന്നു..!!


മഴ

സീബ്രാ ലൈനില്ലാത്ത റോഡിന്റെ
രണ്ട്‌ വശങ്ങളിൽ നമ്മൾ കണ്ട്‌ മുട്ടുന്നു
നോക്കി നിൽക്കെ കുടയ്ക്ക്‌ കീഴിൽ
നീ നടന്നകലുന്നു
ഭാരങ്ങളില്ലാതെ മഴയിൽ ഞാനലിഞ്ഞു ചേരുന്നു.


ഞാനെന്ന ഒറ്റ മരം

ചില്ലയിൽ നിന്നും അവസാനത്തെ
മിന്നമിനുങ്ങും പറന്നു പോകുന്നു,
ഏറെ വിശന്നു വന്ന വീട്ടുകാരനെ പോലെ
ഇരുട്ട്‌ ഒന്നാകെ വിഴുങ്ങുന്നു..
സൂക്ഷിച്ചു നോക്കിയാലും കാണാത്ത ഇരുട്ടിൽ 
ഞാനെന്ന ഒറ്റ മരം .!



വാക്കറ്റം :

വാക്കു കൊണ്ടെത്ര കാലം പകരം വെക്കാനാകും നിന്നെ..
ഓർമ്മകൾക്ക്‌ ഉറക്ക ഗുളിക നൽകി മയക്കി കിടത്തിയിട്ടുണ്ട്‌
സ്വപ്നങ്ങളിൽ നീ കയറി വരാതിരിക്കാൻ

4 അഭിപ്രായങ്ങൾ:

  1. മുറിഞ്ഞു പോയിട്ടും
    നിറഞ്ഞിരിക്കുന്ന തോന്നൽ,
    പഴയ ഓർമ്മയിൽ വിളിച്ചു പോകുമ്പോഴൊക്കെ
    മുറിഞ്ഞ വേദന വിളി കേൾക്കുന്നു..!!

    മറുപടിഇല്ലാതാക്കൂ
  2. പെറ്റുപെരുകാൻ ഉള്ളിന്റെയുള്ളിൽ ഒളിപ്പിച്ചു വെച്ച മയിൽപീലികൾ..
    നല്ല വരികൾ..ആശംസകൾ










    മറുപടിഇല്ലാതാക്കൂ
  3. മുറിഞ്ഞു പോയിട്ടും
    നിറഞ്ഞിരിക്കുന്ന തോന്നൽ,
    പഴയ ഓർമ്മയിൽ വിളിച്ചു പോകുമ്പോഴൊക്കെ
    മുറിഞ്ഞ വേദന വിളി കേൾക്കുന്നു..!!

    മറുപടിഇല്ലാതാക്കൂ

സുഹൃത്തേ .. ഇനി നിങ്ങളുടെ ഊഴം. ഔപചാരികതയുടെ പൊള്ളയായ വാക്കുകള്‍ക്കപ്പുറം ക്രിയാത്മക വിമര്‍ശനങ്ങള്‍ ആയാല്‍ സന്തോഷം !!

മഷിത്തണ്ടിന്റെ കൂട്ടുകാര്‍