കൈകാലുകൾ കെട്ടി
ഇരുമ്പു കൂട്ടിനകത്തിട്ടു വെള്ളത്തിലേക്കെറിഞ്ഞ മജീഷ്യൻ
കാണികൾക്കിടയിൽ നിന്നും
ചിരിച്ചു കൊണ്ട് കടന്നു വരുന്നു
അതോക്കെ വെറും മാജിക്കല്ലേ
ഒരിക്കലുമാവില്ലൊരാൾക്കും
അത്രവേഗം തിരിച്ചെത്താൻ,
വിഷാദം കൊണ്ട് വരിഞ്ഞു
ജീവിതത്തിലേക്കെറിഞ്ഞാൽ
വിഷാദം പൂത്തൊരുവൻ
ഏതു കാട്ടിലും ഒറ്റ നോട്ടത്തിൽ കണ്ടു പിടിക്കാനാകും
വേനൽ തൊടുമ്പോൾ പൂവിടുന്ന ചുവപ്പിനെ
എല്ലാ ആൾക്കൂട്ടത്തിലും
ഒറ്റപ്പെട്ടു നിൽക്കുന്നുണ്ടാകും
വിഷാദം പൂത്തൊരുവൻ
വെറുതെയിരിക്കുമ്പോൾ
വെറുതെയിരിക്കുമ്പോൾ
എത്ര വലുതാണ് നമ്മുടെ
ആകാശം
പൂമ്പാറ്റക്കെണി കൊണ്ട്
രാത്രിയിൽ നക്ഷത്രങ്ങളെ
പിടിക്കാം
വെയിലുദിക്കുമ്പോൾ
അവ പൂച്ചട്ടിയിൽ
പൂക്കളായി ചിരിക്കും
വാക്കറ്റം :
ഇലകളെ നോക്കി പഠിക്കണം
വളർച്ചയുടെ നിറഭേദങ്ങളത്രയും
ഒറ്റച്ചോദ്യത്തിൽ ഒരു ചെടിയും പറയാറില്ല ഒന്നും
ഇലകളെ നോക്കി പഠിക്കണം
മറുപടിഇല്ലാതാക്കൂവളർച്ചയുടെ നിറഭേദങ്ങളത്രയും
വിഷാദത്തിന്റെ കയങ്ങൾ
മറുപടിഇല്ലാതാക്കൂ