തൊട്ടാവാടി
കൊടും വേനലിൽ
ചിരിച്ച് കൊണ്ട് നിന്നവൾ..
ഒരോ അനക്കത്തിലും പിണങ്ങിയിരിക്കുന്നവൾ..!!
തൊട്ടാവാടിക്കും നിനക്കും
ഒരേ പേര്..
ചെമ്പരത്തിച്ചോപ്പ്
മുറിച്ചു മാറ്റുമ്പോഴേക്കുമിരട്ടിയായി
പൂക്കുന്നു പ്രണയത്തിന്റെ ചെമ്പരത്തിച്ചോപ്പ്..!!
വാക്കറ്റം :
നിന്റെ തീരത്ത്
എത്ര നാളുകൊണ്ടാണ് പ്രണയത്തെ വരച്ചിട്ടത്.
ഒരു തിര കൊണ്ടെത്രയെളുപ്പത്തിൽ
മായ്ച്ചു കളയുന്നു നീ...
