കാന്തം

കാന്തം 

എത്രയടുത്തിട്ടും
പിന്നെയും പിന്നെയും നിന്നെ
ചേർത്തു പിടിക്കുന്ന 
ഇരുമ്പു തരിയല്ലോ ഞാൻ


തുളസി

പറമ്പ്‌ നിറയെ കോൺക്രീറ്റും 
മുറ്റത്ത്‌ ഇന്റർലോക്കും വന്നപ്പോൾ 
വിശ്വാസത്തിന്റെ പേരിൽ 
ജീവിക്കുന്ന രക്തസാക്ഷിയാകേണ്ടി വന്നതാണ്‌
തുളസിക്ക്‌


മേഘങ്ങൾ

മഞ്ഞുകാലത്തിലേക്ക്‌
വഴി തെറ്റി വന്നൊരു
മഴവില്ലിനെ
വിരട്ടിയോടിക്കുന്നു
കാറ്റിൻ ചിറകിലെ 
മേഘങ്ങൾ



വാക്കറ്റം :

ഇരുന്നു കത്തി
അകം പൊള്ളിക്കുന്നു 
ചൂടില്ലാത്ത തീ (നീ) !!