ഒരു പേരിലെന്തിരിക്കുന്നു ?

 
ഇടം 
 
ഒന്നുമില്ല
എഴുതാൻ , ചേർത്തുവെക്കാൻ
നീണ്ടു പോകുന്ന
പകൽയാത്രകൾ...
ഒരിടം
ഒത്തുചേർന്നിടം
ഒത്തുചേരുമെന്നോർത്തിടം



ഒരേ തോണിയിൽ
നമ്മുടെ പേരുറക്കെ വിളിക്കുമ്പോൾ
അവസാനിക്കുന്ന അൽഭുതമുണ്ട്,
ഒരേ തോണിയിൽ
ഒരുമിച്ചിരുന്ന്
ഇരുകരകളിലേക്ക്
തുഴഞ്ഞെത്തുന്നത്.. !



ആത്മഹത്യ 
ജനിച്ചിട്ടിന്നേവരെ
കടല് കണ്ടിട്ടില്ലാത്തൊരു മീൻ
കടല് സ്വപ്നം കാണുന്നു
അക്വേറിയത്തിലെ വെള്ളത്തിൽ
കടൽ രുചികളെ പരതുന്നു
അവസാനത്തെ തുള്ളിയും രുചിച്ചു നോക്കി
കരയിലേക്കെടുത്ത് ചാടി
ആത്മഹത്യ വരെ ചെയ്യുന്നു.  


 
 മറവി 
ഉറങ്ങിയെണീറ്റിട്ടും,
മുറിഞ്ഞ സ്വപ്നത്തിൽ
നീ പറഞ്ഞതൊന്നും
മാഞ്ഞ്/ മറന്ന് പോകുന്നേയില്ല. !  



#മഴപ്പാറ്റ
 
ബസിലെ വിൻഡോ സീറ്റിലിരുന്ന്
പ്രിയപ്പെട്ട പാട്ടിനൊപ്പം
ചിറകു നൽകി
പറത്തി വിട്ട എത്രയെത്ര
ചിന്തകൾ


 വാക്കറ്റം : 
ഒരു
പേരിലെന്തിരിക്കുന്നു ?
ഒന്നുമില്ല സാർ,
ഇന്ത്യൻ പൗരത്വം. !

2 അഭിപ്രായങ്ങൾ:

  1. ഒരു
    പേരിലെന്തിരിക്കുന്നു ?
    ഒന്നുമില്ല സാർ,
    ഇന്ത്യൻ പൗരത്വം. !

    മറുപടിഇല്ലാതാക്കൂ
  2. ഉറങ്ങിയെണീറ്റിട്ടും,
    മുറിഞ്ഞ സ്വപ്നത്തിൽ
    നീ പറഞ്ഞതൊന്നും
    മാഞ്ഞ്/ മറന്ന് പോകുന്നേയില്ല. !

    മറുപടിഇല്ലാതാക്കൂ

സുഹൃത്തേ .. ഇനി നിങ്ങളുടെ ഊഴം. ഔപചാരികതയുടെ പൊള്ളയായ വാക്കുകള്‍ക്കപ്പുറം ക്രിയാത്മക വിമര്‍ശനങ്ങള്‍ ആയാല്‍ സന്തോഷം !!

മഷിത്തണ്ടിന്റെ കൂട്ടുകാര്‍