ചെറുത്, മൂർച്ചയേറിയത്
വേദനിപ്പിക്കാൻ പ്രാപ്തിയുള്ളത്
ഇളകിയാടാതിരിക്കാൻ,
വീണു പോകാതിരിക്കാൻ
അടിച്ചുറപ്പിക്കുന്നത്
സ്നേഹത്തിനും ആണിക്കും
ഒത്തു ചേരുന്ന വിശേഷങ്ങൾ
എത്രയെണ്ണമാണ്!
ജീവിതമെന്ന്
കൂടെയുള്ളവർ,
കണ്ടുമുട്ടുന്നവർ
മായ്ച്ചെഴുതാൻ പ്രേരിപ്പിക്കും.
എത്ര മായ്ച്ചാലും മായാത്ത
അടയാളങ്ങൾ വീണ്ടുമുണ്ടാക്കി
ഓരോരുത്തരും
അതിനെ ജീവിതമെന്ന്
വിളിക്കും.
പ്രണയം
വേലിക്കലെ ചെമ്പരത്തി ചെടി പോലെ,
പ്രണയം.
എത്ര തവണ കൊത്തിയരിഞ്ഞാലും
ഒരു വേനൽമഴക്കിപ്പുറം
ചിരിക്കുന്നു, തളിർക്കുന്നു
പ്രണയത്തിന്റെ
ചെമ്പരത്തിപ്പൂ ജീവിതം
വാക്കറ്റം :
ഉള്ളിലെ വേലിയേറ്റങ്ങളെ
ചുംബനം കൊണ്ടൊളിച്ചു പിടിക്കുന്നു.
തിരകൾ വിരലുകളെ
നനച്ച് തിരിച്ചു പോകുന്നു.
ഉള്ളിലെ വേലിയേറ്റങ്ങളെ
മറുപടിഇല്ലാതാക്കൂചുംബനം കൊണ്ടൊളിച്ചു പിടിക്കുന്നു.
തിരകൾ വിരലുകളെ
നനച്ച് തിരിച്ചു പോകുന്നു.